Монос Косметик ХХК нь Монгол орны уламжлалт, өндөр идэвхт ургамлын охь, ханд, амьтны гаралтай түүхий эдүүдийн гоо сайхны үйлдлийг тогтоон, байгалийн гаралтай орцуудыг гоо сайхны ШУ-тай хослуулан бүтээгдэхүүн хөгжүүлж ирсэн түүхтэй. Бид шинэ бүтээгдэхүүн зохион бүтээхдээ дараах бодлогыг баримтлан ажилладаг.
Монголчуудын гоо сайхны эртний уламжлал, байгаль цаг уурын болон Монгол хүний арьсны онцлогт тохирсон Барагшун, Гүүний саам, Чацарганатай арьс арчилгааны Биомон цувралын шинэ технологиуд нь 2005 онд Монгол улсын төрийн шагнал, дэлхийн оюуны өмчийн байгууллагын алтан медаль хүртсэн Монголын брэнд бүтээгдэхүүнүүд юм. Манай мэргэшсэн химич, технологичдын баг ажиллаж, өөрийн бүтээгдэхүүн хөгжүүлэлтийн лаборатори, хими, микробиологийн лабораторид судалгаа шинжилгээгээ хийхээс гадна МУ-ын мэргэжлийн лабораториудад, БНСУ-ын лабораториудтай хамтран ажиллаж бүтээгдэхүүн хөгжүүлэлт, шинжилгээ, баталгаажуулалтыг хийж байна.
Бүтээгдэхүүний орц найрлагуудаас онцлох 20-30 төрлийн орцын мэдээлэл хэрхэн үйлчилдэг тайлбар мэдээллийг хэрэглэчиддээ хүргэж байна.
Манай компани 2017 оноос хойш БНСУ-ын гоо сайхны сургууль, R&D лаб-ууд, гоо сайхны түүхий эд үйлдвэрлэгч компаниудтай байнгын хамтын ажиллагаатай туршлага судлах, хамтран бүтээгдэхүүн хөгжүүлэх, гоо сайхны түүхий эд татан авах зэрэг чиглэлээр хамтран ажиллаж ирсэн. Бид бүтээгдэхүүнүүдээ гоо сайхны ШУ-ы судалгаа хөгжүүлэлтийн сүүлийн үеийн судалгааны арга зүй, орц найрлагын томъёо, технологийг нэвтрүүлэн ажиллаж байна.
Үүнд:
2017 оноос эхлэн БНСУ-ын Daegu Haany University-тэй хамтран 13 нэр төрлийн бүтээгдэхүүн хөгжүүлэн зах зээлд нэвтрүүлсэн бол 2021 оноос эхлээ БНСУ-ын гоо сайхны судалгаа хөгжүүлэлт, бүтээгдэхүүн үйлдвэрлэгч N&N LLC-тэй хамтран ажиллаж байна. Мөн бид БНСУ, БНХАУ, БНТурк улсын гоо сайхны түүхий эд үйлдвэрлэгч компаниудтай олон жилийн хамтын ажиллагаатай ажиллаж байна.