Нарны тос түрхэх ёстойг хүн бүр мэддэг ч яг хэзээ, хэрхэн, ямар хэмжээгээр хэрэглэх талаар төдийлөн сайн мэддэггүй. "Зөвхөн зун түрхэх үү?", "Бороо орж байхад хэрэгтэй юу?", "Гэртээ байхдаа ч түрхэх ёстой юу?" гэх мэт асуултууд түгээмэл байдаг. Тиймээс нарны тосны талаарх хамгийн чухал мэдээллийг хүргэж байна.

Яагаад нарны тос хэрэглэх ёстой вэ?

Хэт ягаан туяа (UV) нь арьсны хөгшрөлт, нөсөө толбо, үрчлээ үүсэхээс гадна арьсны хорт хавдрын эрсдэлийг нэмэгдүүлдэг. Тиймээс SPF хамгаалалттай нарны тосыг өдөр бүр хэрэглэх нь арьсаа хамгаалах хамгийн энгийн бөгөөд үр дүнтэй арга юм.

Нарны тосны давуу тал:

·         Арьсны өнгийг жигд болгоно

·         Нөсөө толбо, сэвх, үрчлээнээс хамгаална

·         Хэт ягаан туяаны хор нөлөөг бууруулна

·         Арьсыг чийгшүүлж, эрүүл харагдуулна

SPF гэж юу вэ?

SPF (Sun Protection Factor) нь нарны тос арьсыг UVB туяанаас хэр зэрэг хамгаалахыг илэрхийлдэг.

·         SPF 30 – UVB туяаны 97%-ийг хаана

·         SPF 50 – UVB туяаны 98%-ийг хаана

UVA ба UVB туяаны ялгаа

·         UVB – Арьсны гадаргууг түлж, улайлт үүсгэдэг.

·         UVA – Арьсны гүнд нэвтэрч, нөсөө толбо, үрчлээ болон эрт хөгшрөлтийн шалтгаан болдог.

Нарны тос сонгохдоо "Broad Spectrum" буюу "UVA/UVB Protection" гэсэн тэмдэглэгээг заавал шалгаарай.

Нарны тосыг хэзээ түрхэх вэ?

·         Өдөр бүр, улирал харгалзахгүй түрхэнэ

·         Наргүй, үүлтэй, бороотой үед ч хэрэглэх шаардлагатай

·         Өглөө арьс арчилгааны сүүлийн шатанд түрхэнэ

·         Гэртээ байхдаа ч хамгаалалт хэрэгтэй

·         Гадаа ажиллах, спортоор хичээллэх, аялал хийх үед заавал хэрэглэнэ

Хэрхэн зөв түрхэх вэ?

·         Гадагш гарахаас 15–20 минутын өмнө түрхэнэ

·         2–3 цаг тутамд давтан түрхэнэ

·         Усанд орсон эсвэл их хөлөрсөн бол дахин түрхэнэ

Зөв хэмжээ:

·         Нүүрэнд – 2 хуруу хэмжээтэй

·         Биеийн хэсэг бүрт – ойролцоогоор 1 цайны халбага хэмжээтэй

Арьсандаа тохирсон нарны тос сонгоорой

·         Хуурай арьсанд: Чийгшүүлэх үйлчилгээтэй бүтээгдэхүүн

·         Тослог арьсанд: Хөнгөн бүтэцтэй, гелэн суурьтай бүтээгдэхүүн

·         Эмзэг арьсанд: Цайрын исэл эсвэл титаны давхар исэл агуулсан бүтээгдэхүүн

Нарны тос нь зөвхөн зуны улиралд хэрэглэдэг бүтээгдэхүүн биш. Өдөр бүр тогтмол хэрэглэснээр арьсаа эрт хөгшрөлт, нөсөө толбо болон нарны хорт нөлөөнөөс хамгаалах боломжтой.

Биомон брэндийн нарны тосыг өдөр тутмын арьс арчилгаандаа хэрэглэж, арьсаа жилийн дөрвөн улиралд найдвартай хамгаалаарай.