Бидний тухай

Олон улсын стандартыг хэрэгжүүлэгч, монголын гоо сайхны тэргүүлэх компани

Гоо сайхны эртний уламжлалт аргыг орчин үеийн технологитой хослуулан инновацид суурилсан дэлхийн зах зээлд өрсөлдөх чадамжтай, эх орны шилдэг бүтээгдэхүүнийг бид хөгжүүлнэ.
Алсын хараа
Бид Монголын гоо сайхны бүтээгдэхүүний дүр төрхийг тодорхойлж, дэлхийд танигдсан Монгол брэндийг бүтээнэ.
Эрхэм зорилго
Хүний арьсны байгалийн чадварыг сэргээх, дэмжих, сайжруулах үйлчилгээтэй бүтээгдэхүүн үйлдвэрлэхээр зорин ажиллаж, өөрийн орны гоо сайхны үйлдвэрлэлийн өнгө төрх, хөгжлийг тодорхойлсоор ирсэн.
Бизнес
Бид чанартай үндэсний гоо сайхны брэнд бүтээгдэхүүнийг үйлдвэрлэн Монос эмийн сангийн 190 салбар, 4000 орчим цэг худалдааны төвүүдээр Монголын хэрэглэгчдэдээ хүргэж, 2024 оноос өөрсдийн брэндийг албан ёсоор төв ази тэр дундаа БНКиргиз улсад амжилттай худалдан борлуулж байна.
Чанарын бодлого
Хэрэглэгчийн эрэлт хэрэгцээг дээдлэн холбогдох хууль тогтоомж, стандартын хүрээнд дэвшилтэт, технологи мэдлэгт, тулгуурлан чанартай гоо сайхны бүтээгдэхүүн үйлдвэрлэхэд чиглэсэн менежментийн тогтолцоог тасралтгүй сайжруулж ажиллана.

“Та бүхний итгэл бидний хамгийн үнэтэй урам билээ”

Та бүхэнд Монос Косметик компанийн нийт хамт олны өмнөөс мэндчилье. Бид Монгол улсын гоо сайхны бүтээгдэхүүн үйлдвэрлэлийн салбарт 1990 оноос хойш өнөөдрийг хүртэл тасралтгүй тууштайгаар үйл ажиллагаагаа явуулж байна. Бидний гол зорилго бол зөвхөн гоо сайхны бүтээгдэхүүн үйлдвэрлэх бус хэрэглэгчдийн амьдралын чанарыг сайжруулж өдөр бүрт нь итгэл, урам зориг нэмэх явдал юм.
Э.Дагвабаасансүрэн
Монос Косметик ХХК-ийн
Гүйцэтгэх захирал

Бидний түүх

Монос Косметик ХХК нь Монгол орны эрс тэс уур амьсгалд тохирсон Монгол хүний гоо сайхныг төгс хамгаалах бүтээгдэхүүн үйлдвэрлэхээр зорин анхны гараагаа 1990 онд тавьж байсан түүхтэй. Монос Косметик компани нь Монос Группийн эм судлалын хүрээлэн, олон улсын гоо сайхны судалгаа, шинжилгээний лаборториудтай хамтран судалгаа хөгжил, шинэлэг технологи нэвтрүүлэхэд онцгой анхаарч ирсэн. Монголчуудын гоо сайхны эртний уламжлалт, байгаль цаг уурын онцлогт төгс тохирсон олон нэр төрлийн бүтээгдэхүүн үйлдвэрлэж ирснээс Барагшун, Гүүний саам, Чацарганатай Биомон арьс арчилгааны иж бүрдэл нь Дэлхийн оюуны өмчийн алтан медалийг хүртэж байсан түүхтэй юм.

Монос Группийн ууган үйлдвэрүүдийн нэг Монос Косметик компани нь үүсгэн байгуулагдсан цагаасаа хойш Монгол улсад гоо сайхны салбарыг хөгжүүлэхэд түүчээлэн, шинэ технологийг улсдаа нэвтрүүлж, гоо сайхан арьс арчилгааны олон анхдагч бүтээгдэхүүний технологийг нэвтрүүлж, анхны GMP стандартын үйлдвэр байгуулсан зэрэг өөрийн орны гоо сайхны үйлдвэрлэлийн өнгө төрх, хөгжлийг тодорхойлсоор ирсэн.

2025 он
Мойл брэндийн дараах 14 нэр төрлийн бүтээгдэхүүнийг үйлдвэрлэн зах зээлд нэвтрүүлэв. Шумуулд хазуулсны дараах түрхлэг, Батганы эсрэг арьс арчилгааны бүтээгдэхүүн, Хүүхдийн маск, Биомон цайруулах арьс арчилгаа гэх мэт.
2024 он
Бүгд Найрамдах Киргиз улсын томоохон эмийн сан болох Лекарьтай гэрээ байгуулж Монос Косметик компанийн гоо сайхны бүтээгдэхүүний экспортыг албан ёсоор эхлүүлэв.
2023 он
Биомон арьс арчилгааны бүтээгдэхүүнийг шинэчлэн байгальд ээлтэй рэффил савлагаатай болгов. /Нүүрний 4 төрлийн сальфеткан маск, нүүрний тосон цэвэрлэгчийн технологийг хөгжүүлж амжилттай үйлдвэрлэлд нэвтрүүлэв./
2022 он
ISO 22716:2007 гоо сайхны GMP стандартыг олон улсын Intertek байгууллагаар баталгаажууллаа. Санитас хөөсөн саван болон Мойл брэндийн бие арчилгааны бүтээгдэхүүнийг шинээр үйлдвэрлэн зах зээлд амжилттай нэвтрүүлэв.
2021 он
Монголдоо анхдагч олон улсын GMP стандарт хангасан гоо сайхны жишиг үйлдвэрийг ашиглалтад оруулав.
2020 он
ISO 14001:2015 байгаль орчны менежментийн тогтолцооны стандартыг үйл ажиллагаандаа нэвтрүүлэв. /Монголдоо хамгийн анхны өндөр технологиор үйлдвэрлэсэн Биомон Нарны тос, Санитас цацлага, Мицеллар ус болон хүүхдийн лосьон, бие угаагч зэрэг нийт 13 нэр төрлийн бүтээгдэхүүнийг шинээр амжилттай нэвтрүүлэв./
2019 он
МОЙЛ 100%-ийн органик бүтээгдэхүүний брэнд шинээр хөгжүүлэн гаргалаа.
2017 он
ISO 9001:2015 чанарын менежментийг тогтолцооны стандартыг хэрэгжүүлж эхэллээ.
2016 он
Хонины сүүлэн тостой хүүхдийн цоо шинэхэн бүтээгдэхүүнийг зах зээлд гаргав.
2016 он
БНСУ-ын Daegu Hany University хамтын ажиллагааг эхлүүлэв.
2010 он
Санитас брэнд зах зээлд амжилттай нэвтэрч, хэрэглэгчдэд таашаагдсан бүтээгдэхүүний тоо нэгээр нэмэгдлээ
2007 он
Биомон шампунийн зэргийг технологийг хөгжүүлж зах зээлд амжилттай нэвтрүүлэв.
2007 он
Биоген үрчлээний эсрэг Монголын анхны гоо сайхны багц бүтээгдэхүүн,
2004 он
Биомон арьс арчилгааны цуврал Дэлхийн оюуны өмчийн алтан медаль хүртлээ.
2003 он
Биомон цуврал Олон улсын үзэсгэлэнгээс ШИЛДЭГ БҮТЭЭГДЭХҮҮН шагнал хүртэв.
2003 он
93% ийн зуун наст ургамлын хандтай Алое брэндийн технологи нэвтрүүлэн үйлдвэрлэж эхлэв.
1997 он
Биомон арьс арчилгааны цуврал гарлаа. /Гүүний саам, Чацаргана, Барагшунтай гоо сайхны бүтээгдэхүүнийг зах зээлд амжилттай нэвтрүүлэв/
1990 он
Монос Косметик ХХК үүсгэн байгуулагдав. /Монголын хамгийн том гоо сайхны үйлдвэр үүсгэн байгуулагдав. Марал Булга тос үйлдвэрлэж эхлэв/

Мэдээ мэдээлэл

Монос косметик ххк боловсролын ерөнхий газартай хамтын ажиллагааны санамж бичиг байгууллаа.
Манай компани нийгмийн хариуцлагын хүрээнд Санитас брэндийнхээ 50 төгрөг тутмыг хүүхдийн зам тээврийн ослыг тэглэх аяны үйл ажиллагаанд зарцуулж “Санитас 50₮ сан” хөтөлбөрийг 2015 оноос хойш өдгөө 10 жил “Хүүхэд зорчиж байна” ТББ тай хамтран хэрэгжүүлж ирсэн.
Дэлгэрэнгүй
Монос косметик ххк жэжү хотын уламжлалт анагаах ухааны хүрээлэнтэй танилцлаа
Монос Групп болон Жэжү хотын Уламжлалт анагаах ухааны хүрээлэнгийн хамтын ажиллагааны хүрээнд Монос Косметик ХХК болон Монос Хүнс ХК, Эм Зүйн Шинжлэх Ухааны Их Сургуулийн харъяа Синдүра эмнэлэгийн төлөөлөл 10-р сарын 1-ээс 4-ний хооронд Жэжү хотын анагаах ухааны хүрээлэнтэй танилцаж “Jeju Herbal medicine & Wellness festival”-д амжилттай оролцлоо
Дэлгэрэнгүй
Санитас брэнд нийслэлийн 47-р сургуульд гар угаах жишиг “wash zone” тохижуулж өглөө
Монос Группийн ууган Үндэсний үйлдвэрлэгч Монос Косметик ХХК Тогтвортой хөгжлийн “Эрүүл мэндийг дэмжих” эрүүл ахуйн дадал хэвшүүлэх зорилтын хүрээнд БГД-ийн Ерөнхий боловсролын 47-р сургуулийн бага ангийн сурагчдын гар угаах орчин нөхцөл, хүртээмжийг нэмэгдүүлж жишиг гар угаах хэсгийг байгуулан “Дэлхийн гар угаах өдөр”-өөр хүлээлгэн өглөө.
Дэлгэрэнгүй
Монос косметик ххк чанар, стандартын гэрчилгээ сунгах аудитад амжилттай хамрагдлаа
Монос косметик ХХК нь 2017 оноос эхлэн үйл ажиллагаандаа ISO9001:2015 чанарын менежментийн тогтолцоо, 2020 оноос ISO14001:2015 байгаль орчны менежментийн тогтолцооны стандартуудыг тус тус нэвтрүүлэн, Дэлхийн топ 5-н баталгаажуулалтын байгууллага болох Францын AFNOR группээс гэрчилгээгээ гардан авч, жил бүр баталгаажилтын аудитад хамрагдан ажилладаг.
Дэлгэрэнгүй